شعیب ملک کی گاڑی کو حادثہ ، قومی کرکٹر بال بال بچ گئے ، حادثے کی تفصیلات بھی سامنے آگئیں

قومی کرکٹ ٹیم کے سابق کپتان شعیب ملک کی گاڑی کو حادثہ پیش آیا ہےجس میں وہ خوش قسمتی سے محفوظ رہے،قوی کرکٹر کی گاڑی کو حادثہ وہاب ریاض کی کار کے ساتھ ریس لگاتے ہوئے پیش آیا۔

نجی ٹی وی کے مطابق قومی کرکٹر شعیب ملک حادثے کے نتیجے میں بڑے نقصان سے بال بال بچ گئے، ان کی گاڑی کوتیز رفتاری کے باعث حادثہ پیش آگیا جس میں وہ محفوظ رہے ہیں۔بتایا گیا ہے کہ شعیب ملک اور وہاب ریاض دونوں کار پر ریس لگا رہے تھے کہ شعیب ملک نے تیز رفتاری کے باعث گاڑی کا کنٹرول کھو دیا، شعیب ملک جب وہاب ریاض کی گاڑی کو کراس کرنے لگے تو ان کی گاڑی تیز رفتاری کے باعث ٹرک سے ٹکرا گئی، حادثے میں شعیب ملک کی گاڑی کو شدید نقصان پہنچا اورگاڑی کے انجن کا حصہ مکمل طور تقریبا تباہ ہوچکا ہے تاہم خطرناک حادثے میں قومی کرکٹر شعیب ملک محفوظ رہے ہیں،جس پر شعیب ملک نے اللہ کا شکرادا کیا۔

حادثے سے متعلق بتایا گیا ہے کہ پاکستان سپرلیگ کی ڈرافٹنگ جیسے ہی مکمل ہوئی تو تمام کھلاڑی اور فرنچائز آنرز واپس روانہ ہورہے تھے، شعیب ملک سپورٹس کار پر آئے تھے ان کی گاڑی کا کافی چرچہ ہورہا تھا،جیسے ہی شعیب ملک اور وہاب ریاض نیشنل ہائی پرفارمنس سنٹر سے نکلے تو گاڑی کے سلنسر کی کافی آواز تھی، گاڑیاں ابھی 100میٹر رفتار سے چلی تھیں کہ تیزی رفتاری کے باعث تین گاڑیوں سے ٹکراتی ہوئی ٹرک میں جالگی، وہاب ریاض نے نئی گاڑی لی ہوئی تھی جبکہ شعیب ملک کی 2003 ماڈل کی گاڑی ہےتاہم شعیب ملک اور وہاب ریاض محفوظ ہیں، وہاب ریاض ہی ان کو اپنی گاڑی میں بٹھا کر نیشنل ہائی پرفارمنس سنٹر واپس لائے، شعیب ملک کافی پریشان اور گھبرائے ہوئے تھے۔